शिक्षक प्रतिनिधिको चयन || Selection of Teacher Representatives

२०८२ पौष २५ गते

आज बसेको यस श्री सिद्धनाथ माध्यमिक विद्यालय धनगढी-१२, सिद्धार्थनगरको शिक्षकहरुको बैठकले शिक्षक प्रतिनिधिको चयन गरेको छ। यहि २०८२ पौष २० गते विद्यालयको नयाँ व्यवस्थापन समितिका सदस्यहरुको चयनका लागि आह्वान गरिएको अभिभावक भेलाले धनगढी उपमहानगरपालिकाको शिक्षा ऐन २०८१ को दफा २४ को उपदफा १ को (ख) बमोजिम एक जना महिला सहित चारजना वि.व्य.स. सदस्यहरुको चयन गरिसके पश्चात नयाँ विद्यालय व्यवस्थापन समिति चयनको सुरुवात भएको छ। यस क्रममा सोही दफाको उपदफा १ को खण्ड (घ) बमोजिम विद्यालयका कार्यरत शिक्षक वा कर्मचारीहरुले आफूहरुमध्येबाट निर्णयगरी पठाएको एक जना वि.व्य.स.को सदस्य हुने व्यवस्था भए अनुरुप यस विद्यालयका शिक्षक श्री टंक प्रसाद जोशीलाई वि.व्य.स. को सदस्य पदमा शिक्षकहरुको प्रतिनिधित्त्व हुने गरी पठाउने निर्णय आजको शिक्षक बैठकले सर्वसम्मतिबाट गरेको छ।