वार्षिक उत्सव २०८२ || Annual Functions

२०८२ फगुन ४ गते

श्री सिद्धनाथ माध्यमिक विद्यालयले आफ्नो ३५ औं वार्षिकोत्सव तथा अभिभावक दिवस २०८२ आज एक भव्य कार्यक्रमको आयोजना गरि धुमधामका साथ मनाएको छ। विहान १०ः३० बजेबाट सञ्चालन गरिएको वार्षिकोत्सव कार्यक्रम साँझ ५ः०० बजे समापन गरिएको थियो। विद्यालय व्यवस्थापन समितिका अध्यक्ष तथा धनगढी १२ नं. वडाका वडा अध्यक्ष श्री शेर बहादुर महराको सभापतित्वमा सञ्चालित उक्त कार्यक्रममा प्रमुख अतिथि धनगढी उपमहानगरपालिकाका उप-‍प्रमुख श्री कन्दकला रानाज्यू रहनु भएको थियो भने कार्यक्रममा स्थानीय अभिभावक, समाजसेवी, शिक्षाप्रेमी लगायत छिमेकी विद्यालयका प्रधानाध्यापकहरूको समेत उल्लेख्य उपस्थिति रहेको थियो।

विद्यालयका शिक्षक श्री टंक प्रसाद जोशीज्यूले उद्घोषकको भूमिका निर्वाह गर्दै कार्यक्रम सञ्चालन गर्नु भएको थियो भने कार्यक्रममा विद्यालयका प्रधानाध्यपक श्री प्रेम बहादुर शाहीज्यूले विद्यालयको वार्षिक प्रतिवेदन प्रस्तुत गर्नु भएको थियो। कार्यक्रम सञ्चालन भइरहँदा विद्यार्थीहरुले समेत आ-आफ्ना रमाइला प्रस्तुतीहरु प्रस्तुत गर्दै दर्शकहरुलाई मनोरञ्जित गरेका थिए।

कार्यक्रम सञ्चालन भइरहँदा विद्यालयले यस वर्षको वार्षिकोत्सवमा सम्मानित गरिने सूचीमा परेको महानुभावहरुलाई दोसल्ला सहित सम्मान-पत्र प्रदान गरी सम्मानित गरेको छ। यस वर्षको वार्षिकोत्सवमा विद्यालयले निम्न महानुभावहरुलाई सम्मानित गरेको छ।
१- श्री लोकेन्द्र बहादुर सिंह (पूर्व शिक्षक)

२- श्री खेमा वि.क. (शिक्षक)

३- श्री किसनदेव उपध्याय (पूर्व विद्यालय व्यवस्थापन समिति अध्यक्ष)
४- श्री प्रमानन्द जोशी (पूर्व शिक्षक अभिभावक संघ अध्यक्ष)
५- श्री हर्कमति सिंह (पूर्व कार्यालय सहयोगी)

६- श्री गंगा रोकाया (अभिभावक)

७- श्री डण्डी राज जोशी (अभिभावक)

८- श्री पान्तु देवी ल्वार (अभिभावक)
९- श्री बाल कुमारी पौडेल (धामी) (अभिभावक)
 कार्यक्रम सञ्चालन भइरहेको समयमा लिइएका केही फोटो क्लिपसहरु यहँ पोस्ट गरिएका छन्।